Céadlínte Éigse Éireann
Táthar ag glacadh le hiarratais anois le haghaidh 'Céadlínte Éigse Éireann 2024'. Tugann an clár seo deis d'fhilí atá i dtús a gceirde saothair leo a léiriú i gceardlanna agus ar stáitse.
Beidh snáth ar leith d’fhilí na Gaeilge i gclár na bliana seo. Tabharfar deis do na filí a roghnófar don chlár seo páirt a ghlacadhi I gceardlann ar dhéanamh an dáin, agus tabharfar máistir-rang dóibh ar an teacht i láthair. Cuirfear ceardlann bhreise ar fáil dóibh amach anseo le cabhrú leo an chéad chnuasach a réiteach don chló.
Tá áthas orainn a chur in iúl gurb í Aifric Mac Aodha a roghnóidh rannpháirtithe an chláir seo i mbliana agus is í a bheidh i mbun na ceardlainne leo ar an 13ú agus an 14ú Mean Fomhair 2024 maidir le déanamh an dáin. Is Ciara Ní É a bheidh i mbun na ceardlainne ar an gcur i láthair. Cuirfear bailchríoch ar na hi meachtaí seo san earrach nuair a eagróidh Éigse Éireann léamha le lucht na gceardlann.
Conas cur isteach ar an gclár:
-Iarrtar ar na hiarrthóirí na cáipéisí seo a leanas a chur ar fáil -
-Beathaisnéis ghairid agus litir chumhdaigh
-Dornán dánta (10 leathanach ar a mhéad)
Sprioclá: 12 ú Iúil 2024 @5pm
Dátaí an chúrsa: An 13ú agus an 14ú Mean Fomhair 2024
Nóta:
Fáilteofar roimh iarratais ó éinne os cionn 18 bliain d'aoid; ní bhaineann uasteorainn aoise leis an gclá seo.
Is d’fhilí atá ag cur fúthu in Éirinn faoi láthair an scéim seo. Beifear ag súil go mbeidh ar chumas na n-iarrthóirí freastal ar cheardlanna agus ar léamha in Eirinn san earrach. Ní ghlacfar le hiarratais ó fhilí lasmuigh den oileán.
Cuirfear fáilte ar leith roimh iarratais uathu siúd atá faoi ghannionadaíocht i ngort filíochta na Gaeilge. Cuimsíonn sé sin filí de chine daite, d'inscní agus de ghnéis éagsúla, filí faoi mhíchumas, agus na filí sin a bhaineann le mionlaigh eitneatcha, cultúrtha agus reiligiúnda.
***
>>This information is for the Irish language programme 'Céadlinte'. You can find out about the English language stream of the programme on the Introductions page.